МИТОХОНДРИЙН ДНХ ГЭЖ ЮУ ВЭ?
Адууны удмын дийлэнх шинжилгээ нь ширхэг эсийн бөөмд агуулагдах удмын бичиглэлийг уншуулах дээр суурилдаг. Ямар ч адууны бөөмд агуулагдах удмын мэдээлэл нь амьтан бүрийн эцэг ба эх амьтны удмын мэдээллийг 50:50 харьцаатай эн тэнцүү хоршуулж авсан иж бүрдэл юм.
Сонирхолтой нь митохондр өөрийн гэсэн багахан хэмжээний удмын мэдээлэлтэй / гентэй. Үүнийг бөөмд агуулагдах үндсэн удмын мэдээллээс гадуур, зөвхөн эх дагах удмын мэдээлэл гэнэ. Товч нэршил нь митохнодрийн ДНХ юм. Тухайн төл адууны хүйс ямар байхаас үл хамаарч митохондрийн удмын мэдээлэл нь 100% эхийн талаас орж ирсэн байна (Зураг 2).
Эс дотор олноороо байх митохондр хэмээх эрхтэнцэрийн ДНХ мэдээлэл нь тухайн эсийн бөөм дэх удмын үндсэн мэдээллээс даруй 100 дахин илүү өөрчлөгдөж хувирч байдаг онцлогтой. Нэгэн гүү ба түүний эхийн талын эмэг эх гүү тус бүрийн митохондрийн удмын бичиглэлийн эрс хувирамтгай хэсэг гэгдэх D-loop бичиглэл нь хоорондоо даруй 0.01% ялгаатай болсон байдаг. Энэ нь байгаль дэлхийн хувьслын цагийн хэмжүүрээр бол асар хурдтай өөрчлөлт мөн. Жишээлбэл ойрын хугацаанд буюу 10 орчим үеийн өмнө ураг салсан угшил нэгтэй адууг өөр хооронд нь ялгах, ураг салсан цаг хугацааг олж тогтоох зэрэг ажилд бөөмийн удмын мэдээллээс илүүтэй митохондрийн удмын мэдээлэл яг таг хариулт өгдөг давуу талтай. ЗанааСпекс ХХК нь орчин үеийн технологи ашиглан митохондрийн ДНХ дарааллыг уншуулна. Өөрийн мэргэжилтний ур чадвар дээр суурилж үр дүнг шинжилж, тусгай статистик аргачлалаар ямар ч адуу хоорондын эхийн талын ургийн холбоог өндөр нарийвчлалтай тооцоолж гаргаж ирнэ. Жишээлбэл сонирхсон 2 адуу нь эхийн талаараа хэдэн үеийн өмнө ураг салсан болохыг тооцоолж гаргах боломжтой.